EVOQUI

Evoqui las cançons

qu'acompanhèron las longas filas de caravanas

a la conquista d’un espaci en blanc,

e de nòu tòrni sospesar l'intensitat de cada mot.

Camini nuèch e jorn per un païsatge inventat

mentre pensi a las oras  agorrufadas e lançadas a la banasta,

tanben, dins las autras, ont prenián còs e arma

èssers que jogavi a forjar de ficcions versemblantas.

Evoqui e me lequi las feridas coma un gat vièlh que,

altiu e supèrb, se vòl pas assumir las desbrandas.

Evoqui e escrivi, amb esperit de revenge,

amb las arpas d’un gat.

***

Traducció a l'occità d'Esther Mimart-Rangel i Cédric Rousseu de Ràdio Occitània i del digital Cocagne.