dijous, 5 de setembre del 2013

CRONICAS DEMPUÈI L'INFERN


Lo gaug dins lo país ont senhoreja la messorga
provòca un estranh eissorbament demièg los sieus estatjants
dels temps que cason los estelons
dels fùocs d'artifici la pensada critica s’exilia,
los predicators laïcs
quitan d’escriure de presics dempuèi la rason
ara sonque claman dempuèi las cadièras mediaticas
lo play-back del discors dominant
provesit per las agéncias del poder.
Los sorires e los rires de las gents
en plen mitan de l’orgia de la superficialitat
son la bèba apatica
d’una comunitat mesèla qu’a permés
que los raubaires metèsson la balma als palaisses de govèrn.

Escrives pel silenci pensant a un temps
que nos i serà tornada l'esperança.
escrives la cronica d’un carnaval de bestiesas
dempuèi l'infern ont demòras.

Revirat de lenga catalana a lenga occitana per Joan-Carles Martí i Casanova e Terric Lausa.